1960માં વિક્રમ સોમાણીના પિતાએ પોતાના ભાઈઓ સાથે ભારતની પ્રથમ ઓર્ગેનાઈઝ

1960માં વિક્રમ સોમાણીના પિતાએ પોતાના ભાઈઓ સાથે ભારતની પ્રથમ ઓર્ગેનાઈઝ સેનેટરીવેર કંપની હિન્દુસ્તાન સેનેટરીવેરનો પ્રારંભ કર્યો. ટૂંક સમયમાં જ આ કંપનીએ સમગ્ર દેશમાં પોતાનું ખાસ સ્થાન બનાવી લીધું. અત્યાર સુધી આ કંપની દેશની ટોચની સેનેટરીવેર કંપની છે. પરંતુ વિક્રમ સોમાણી તેનો હિસ્સો નહોતા. પોતાના પ્રારંભિક દિવસોમાં તેમણે ઓઈલ ઈન્ડસ્ટ્રી માટે કામ કર્યું. 1980માં વિક્રમને સેનેટરીવેર બનાવવાનું લાઈસન્સ મળ્યું. સેનેટરીવેર બનાવવાનો ખર્ચ ઘણો હોય છે અને પ્રોસેસ પણ મુશ્કેલીભરી હોય છે. તેમ છતાં વિક્રમનો ખર્ચ થોડા સપ્તાહમાં જ બહાર આવી ગયો.

હકીકતમાં આ સેરા સેનેટરીવેરની અસલી શરૂઆત હતી. તેનો સત્તાવાર રીતે જન્મ 2001માં થયો. 1980ના દાયકાના પ્રારંભમાં કંપનીને જે સફળતા મળી તેનું પરિણામ એ આવ્યું કે હવે ભારતમાં ટોચની સેનેટરીવેર કંપનીઓની સંખ્યા વધી ગઈ છે. કંપનીએ જ્યારે સેનેટરીવેરનું લાયસન્સ મળ્યું ત્યારે સૌથી પહેલા તેણે હિન્દુસ્તાન સેનેટરીવેરના જૂના કર્મચારીઓને લીધા. તેમનો વિચાર એવો હતો કે કોઈપણ જાતની ભૂલ વિના માલ તૈયાર કરાય જેથી રિજેક્શન ઓછું આવે અને કંપનીનો નફો જળવાઈ રહે. એવામાં માર્કેટ લીડર સાથે કામ કરી ચૂકેલા લોકોને નોકરીએ રાખવાનો હેતુ હતો કે તેમના જ્ઞાનનો અને અનુભવનો લાભ લેવો.

કંપનીએ તેનો ઉત્પાદન સસ્તો રાખવાનો પ્રયત્ન તો કર્યો પણ સાથે જ પર્યાવરણ ફ્રેન્ડલી પ્રોસેસ પણ અપનાવી. કંપનીનો પ્લાન્ટ એ સ્થળે સ્થાપિત કરાયો કે જ્યાંથી સસ્તા દરે ઓઈલ અને ગેસ મળી શકે. આ ઈન્ડસ્ટ્રીમાં ઈંધણનો ખર્ચ સૌથી વધુ હોય છે.ત્યારપછી કંપનીએ પોતાના ગ્રાહકોનું પણ ધ્યાન રાખ્યું. લાયસન્સ રાજમાં ગ્રાહકો પાસે જ્યારે અત્યંત ઓછા વિકલ્પ હતા ત્યારે કંપનીએ રંગીન સેનેટરીવેર બનાવ્યા. જ્યારે બીજી કંપનીઓ માત્ર 7 રંગમાં પોતાના ઉત્પાદનો બનાવતી હતી ત્યારે તેણે 21 રંગ રજૂ કર્યા. ત્યારપછી કંપનીએ અનેક પ્રયોગ કર્યા અને બહુ જલદી આ ઉદ્યોગમાં સ્થાપિત નામ થઈ ગયું.

આ પણ જાણો



કંપનીની નેટવર્થ 700 કરોડ રૂપિયા છે

તેની ઉત્પાદન ક્ષમતા વાર્ષિક 30 લાખ સેનેટરીવેર નંગની છે

Download Dainik Bhaskar App to read Latest Hindi News Today

from Divya Bhaskar https://ift.tt/2C39rbw
via IFTTT