ભારતને રેકોર્ડ 15મો ઓલિમ્પિક ક્વૉટા મળ્યો, એશિયન ચેમ્પિયનશિપથી જ છઠ્ઠો

કતારમાં ચાલી રહેલી 14મી એશિયન શૂટિંગ ચેમ્પિયનશિપમાં રવિવારે ભારતે ટોક્યો ઓલિમ્પિક-2020 શૂટિંગના 3 ક્વૉટા મેળવ્યા. આ ક્વૉટા 18 વર્ષીય શૂટર ઐશ્વર્ય પ્રતાપ સિંહ તોમર, અંગદ વીર સિંહ અને મેરાજ અહમદે અપાવ્યા. આ સાથે ભારતના શૂટિંગમાં કુલ 15 ઓલિમ્પિક ક્વૉટા થઈ ગયા છે. ભારતને દિવસનો પ્રથમ ક્વૉટા પુરુષોની 50 મીટર રાઈફલ થ્રી પોઝિશન ઈવેન્ટમાં ઐશ્વર્યે અપાવ્યો. આ ઈવેન્ટમાં ક્વૉટા મેળવનાર તે સંજીવ રાજપૂત બાદ બીજો ભારતીય છે. ઐશ્વર્યે ઈવેન્ટમાં બ્રોન્ઝ મેડલ જીત્યો. ઐશ્વર્યએ ફાઈનલ ઈવેન્ટમાં 449.1નો સ્કોર કર્યો અને ત્રીજા સ્થાને રહ્યો. જે પછી પુરુષોની સ્કીટ ઈવેન્ટમાં મેરાજ અને અંગદે પણ 1-1 ક્વૉટા અપાવ્યો. ઈવેન્ટમાં અંગદે ગોલ્ડ અને મેરાજે સિલ્વર જીત્યો. 10 મીટર એર પિસ્તોલ મિક્સડ ટીમ ઈવેન્ટમાં ભારતની મનુ ભાકર-અભિષેક વર્માની જોડીએ ગોલ્ડ જીત્યો.

2004માં 8 ભારતીય ઓલિમ્પિકમાં ઉતર્યા હતા

2004માં 8 ભારતીય ઓલિમ્પિકમાં ઉતર્યા હતા. 2008માં 9, 2012માં 11 અને 2016માં 12 ખેલાડીઓને તક મળી. 2020 માટે સૌથી વધુ 15 ખેલાડી ક્વૉટા મેળવી ચૂક્યા છે.

Download Dainik Bhaskar App to read Latest Hindi News Today

Div News - india receives record 15th olympic quota sixth in asian championship 063022

from Divya Bhaskar https://ift.tt/2Cyszy8
via IFTTT