મુસાફરો માટે સુવિધા | STએ એક્સ્ટ્રા ભાડું ઘટાડી 1200 બસો દોડાવી, રેલવેએ હોલીડે ટ્રેનો વધારી

અમદાવાદ ઃ ગુજરાત એસટી નિગમે દિવાળીમાં પેસેન્જરોના ધસારાને ધ્યાનમાં રાખી રેગ્યુલર ઉપરાંત 1200 એક્સ્ટ્રા બસોનું સંચાલન કર્યું છે. એક્સ્ટ્રા બસોના ભાડા પર લેવાતા 1.25 ટકાના બદલે રેગ્યુલર ભાડામાં જ આ તમામ બસોનું સંચાલન કરવામાં આવી રહ્યું છે. આ વખતે ઓનલાઈન તેમજ મોબાઈલ એપથી બુકિંગ પર પેસેન્જરોને ભાડામાં 10 ટકા ડિસ્કાઉન્ટનો લાભ આપવામાં આવી રહ્યો છે, જેના પગલે હાલ દરરોજ સરેરાશ 1 કરોડ રૂપિયાથી વધુ રકમની ઓનલાઈન બુકિંગ થઈ રહી છે અને લાભપાંચમ સુધીમાં એસ.ટી.ને વધારાની લાખો રૂપિયાની આવક થવાની સંભાવના છે.

મુંબઈ, ગોવા, બેંગકોક જતી ફ્લાઇટના ભાડાં 3થી 4 ગણા ‌વધ્યા

અમદાવાદ ઃ આ વર્ષે દિવાળીમાં પેસેન્જરોના ભારે ધસારાને કારણે અમદાવાદથી મુંબઈ, ગોવા, દુબઈ અને બેંગકોક જતી ફ્લાઈટોના ભાડામાં 3થી 4 ગણો વધારો નોંધાયો છે. તેમજ અમદાવાદથી દિલ્હી તેમજ બાગડોગરા જતી ફ્લાઈટો હાઉસફુલ થઈ ગઈ છે.

શહેર રેગ્યુલર ભાડું વધેલું ભાડું

મુંબઈ 6000-7000 20000-22000

ગોવા 8000-9000 18000-20000

બાગડોગરા 8000-9000 28000-30000

દુબઈ 16000-17000 44000-45000

બેંગકોક 12000-15000 28000-30000

છઠ પૂજા દરમિયાન અમદાવાદથી પસાર થનાર ત્રણ ટ્રેન જાહેર કરાઈ

અમદાવાદ ઃ દિવાળી અને છઠ પૂજા દરમિયાન ટ્રેનોમાં પેસેન્જરોના ભારે ધસારાને પગલે રેલવેએ અમદાવાદથી પસાર થનારી વધુ ત્રણ ટ્રેનો દોડાવવાની જાહેરાત કરી છે. જેમાં વિશેષ ભાડા સાથે સુરત - અજમેર સ્પેશિયલ, ભાવનગર - મેંગલોર સ્પેશિયલ તેમજ ગાંધીધામ - અલ્હાબાદ સ્પેશિયલ ટ્રેન ઉપરાંત બાંદ્રા - બિકાનેર સુવિધા સ્પેશિયલ ટ્રેન દોડાવવાની જાહેરાત કરવામાં આવી છે. આ અંગે રેલવે પ્રવક્તા પ્રદીપ શર્માએ જણાવ્યું કે, ટ્રેન વિશેષ ભાડા સાથે 30 અને 31 ઓક્ટોબરે દોડાવવામાં આવશે. જેથી બિહાર સહિતના રાજ્યોમાં જનારા પરપ્રાંતીય પરિવારોને ટ્રેનની સુવિધાનો લાભ મળી શકે.

Download Dainik Bhaskar App to read Latest Hindi News Today

from Divya Bhaskar https://ift.tt/2NbmPzq
via IFTTT