યુનાઇટેડ-વે ના સંચાલકોને ત્યાં મોડી રાત સુધી GSTનો સરવે

નવરાત્રી પર્વની પુર્ણ થતાની સાથે જી.એસ.ટી વિભાગ એક્શનમાં અાવ્યું હતું.સોમવારે વડોદરાના વિશ્વપ્રસિદ્ધ યુનાઇટેડ-વેના ગરબા અાયોજકોની અલકાપુરી સ્થિત ઓફિસે જી.એસ.ટી વિભાગ દ્વારા સરવેની કામગીરી શરૂ કરવામાં અાવી હતી.જેમાં ગરબા અાયોજન દરમિયાન થયેલા પેમેન્ટ-રિસીપ્ટ સહિતની વિગતોની ચકાસણી કરવામાં અાવી હતી.

જી.એસ.ટી વિભાગે પ્રથમ રાજવી પરિવાર દ્વારા અાયોજીત પેલેસ હેરીટેજ ગરબાના અાયોજકો પર સરવેની કામગીરી હાથ ધરી હતી. બે દિવસ ચાલેલી સરવેની કાર્યવાહીમાં સંચાલકો પાસેથી અાવક-જાવક, ખર્ચ સહિતની વિગતો માંગવામાં અાવી હતી.સોમવારે શહેરના વિશ્વવિખ્યાત યુનાઇટેડ-વે ગરબાના અાયોજકોની અલકાપુરી સ્થિત સિડકપ ટાવર ખાતે અાવેલી ઓફિસમાં સરવેની કામગીરી શરૂ કરવામાં અાવી હતી.સરવેની કામગીરી દરમિયાન અાયોજકો પાસેથી પેમેન્ટ-રીસીપ્ટ, ખર્ચ, અાવક-જાવક તથા અન્ય હિસાબી પુરાવાની માંગણી કરવામાં અાવી હતી. મોડી સાંજ સુધી સરવેની કામગીરી ચાલુ રહી હતી. જોકે કેટલી ચોરી અહીંથી ઝડપાય તેની વિગતો હવે પછી જાહેર થશે.

Download Dainik Bhaskar App to read Latest Hindi News Today

from Divya Bhaskar https://ift.tt/2ppDCGx
via IFTTT