પૂતળા હટાવીને ‘સ્પાયકર’એ માણસો પર જિન્સના ટ્રાયલ કર્યા

પ્રસાદ પબરેકર પાસે ડિગ્રી ઈલેક્ટ્રિકલ એન્જિનિયરની હતી અને તેમના પિતા ડ્રાય ક્લિનિંગ બિઝનેસમાં હતા. જોકે, કોલેજ પૂરી થતાં તેમણે આ બંને ક્ષેત્રથી વિપરિત કામ શરૂ કર્યું. તેમણે ઓડિયો કેસેટ એસેમ્બ્લિંગ યુનિટ શરૂ કર્યું, પરંતુ સંજોગો તેમને ડ્રાય ક્લિનિંગ બિઝનેસ તરફ લઈ ગયા. ત્યાંથી મળેલા અનુભવે તેમને ડેનિમ પ્રોસેસિંગ યુનિટ શરૂ કરવા પ્રેર્યા. એક લાખની ઉધારીથી આ કામ શરૂ કરાયું. 1992માં પ્રસાદે ‘સ્પાયકર’ નામથી પોતાની પ્રોડક્ટ બનાવીને વેચવાનું શરૂ કર્યું. પહેલા જ વર્ષે રૂ. દસ લાખનું નુકસાન થયું કારણ કે, તેઓ બજારને સમજ્યા વિના જ તેમાં કૂદ્યા હતા.

આ નુકસાનમાંથી બોધપાઠ લઈને તેમણે જૂના અનુભવોને ધ્યાનમાં રાખીને લોકોની જરૂરિયાત સમજવાનું શરૂ કર્યું. તેનાથી તેમને ખબર પડી કે, સ્પાયકર જિન્સના ટ્રાયલ મિનિક્વિન્સ પર નહીં પણ માણસો પર કરવા જોઈએ. તેમને ટેકનિકલ જ્ઞાન પણ બહુ કામમાં આવ્યું અને બજાર સમજવા પણ તેમણે ખૂબ મહેનત કરી. પરિણામે આજે આ બ્રાન્ડ મોટી મોટી ઈન્ટરનેશનલ બ્રાન્ડને ટક્કર આપી રહી છે. કંપની પહેલા જ દિવસથી ક્વોલિટી માટે ખૂબ ગંભીર હતી. કેઝ્યુઅલ વિયર સેગમેન્ટમાં કંપનીએ ખૂબ પ્રયોગ પણ કર્યા. પ્રસાદ પબરેકરે કંપની બનાવવા ઘણો પ્રવાસ કર્યો અને આ રીતે તેઓ જુદા જુદા પ્રકારનું કલ્ચર પણ સમજ્યા. તેઓ દરેક વિસ્તારના લોકોને મળ્યા અને ત્યાંની ગારમેન્ટ ઈન્ડસ્ટ્રીને નજીકથી સમજ્યા. તેમાંથી મળેલું જ્ઞાન તેઓ સતત પોતાની બ્રાન્ડ માટે ઉપયોગ કરતા રહ્યા. 2014માં આ બ્રાન્ડ, બગરી પરિવારના મેટડિસ્ટ ગ્રૂપનો હિસ્સો છે. કંપનીના ભારતમાં જ 240થી વધુ એક્સક્લુસિવ આઉટલેટ્સ છે. 1400થી વધુ મલ્ટી બ્રાન્ડ આઉટલેટ્સમાં પણ આ બ્રાન્ડ મોજુદ છે.

આ પણ જાણો

આ પહેલી ઈન્ડિયન ડેનિમ બ્રાન્ડ છે. જેણે ઓસ્ટ્રેલિયામાં રિટેઈલ શરૂ કર્યું છે.

કંપની 40 એક્સક્લુસિવ સ્ટોર દર વર્ષે ખોલવાના લક્ષ્ય પર કામ કરી છે.

Download Dainik Bhaskar App to read Latest Hindi News Today

Div News - by removing the statue the 39spiker39 did the jeans on the men 062609

from Divya Bhaskar https://ift.tt/2VUmcyc
via IFTTT