પોરબંદરના દરિયામાં બે દિવસ પહેલા અકસ્માતે ડૂબી ગયેલા ખલાસીની લાશ મળી

પોરબંદરના સુભાષનગર વિસ્તારમાં સંતોષી માતાજીના મંદિર પાસે રહેતો વિજય ચુનીલાલ ચાવડા (ઉ.25) નામનો ખલાસી બે દિવસ પહેલા વસરામ માધાભાઇ સોનેરીની માલીકીની બોટમાં માછીમારી કરવા માટે નીકળ્યો હતો. અને આ બોટ પોરબંદરની જેટી સામેથી પસાર થઇ રહી હતી તે દરમ્યાન જ બોટની છેલ્લે ઉભેલો ખલાસી વિજય અચાનક અકસ્માતે દરિયાના પાણીમાં પડી જતા ડૂબવા લાગ્યો હતો અને લાપતા બન્યો હતો જેથી પીલીણા અને બોટ ધારકોએ રેસ્કયૂ કર્યુ હતુ અને બે દિવસ બાદ આ લાપતા ખલાસીની લાશ હાથ લાગી હતી.

મૃતદેહને ભાવસિંહજી હોસ્પીટલ ખાતે પીએમ માટે લાવવામાં આવી હતી. આ ખલાસી અપરણિત હોવાનું પણ જાણવા મળે છે. આ ઘટનાને પગલે મૃતક યુવાનના પરિવારજનોમાં તેમજ માછીમારોમાં શોકનું મોજુ ફરી વળ્યુ.

Download Dainik Bhaskar App to read Latest Hindi News Today

from Divya Bhaskar https://ift.tt/2BjAizt
via IFTTT