અંબાજી પાસે પુત્ર-પૌત્રનાં મોત બાદ આઘાતથી દાદાનું પણ મૃત્યુ

અંબાજીમાં લક્ઝરી બસનો જીવલેણ અકસ્માત સર્જાયો હતો જેમાં બોરસદ તાલુકાના પામોલ ગામના પિતા-પુત્રનાં મૃત્યુ થયાં હતાં. બંનેના મૃતદેહ મંગળવારે પામોલ લવાયા હતા ત્યારે 67 વર્ષીય શનાભાઈ ચતુરભાઈ ઠાકોર પુત્ર અને પૌત્રનો મૃતદેહ જોઈને આઘાતમાં સરી પડ્યા હતા, જેના કારણે શુક્રવારે તેમણે પણ દેહત્યાગ કર્યો હતો. આમ, અકસ્માતને લીધે ઠાકાેર પરિવારની ત્રણ પેઢી કાળનો કોળિયો બન્યા છે. આ દુર્ઘટનામાં પરિવારના તમામ પુરુષોનાં મૃત્યુ થતાં માત્ર માતા અને પુત્રી રહ્યાં છે.

વૃદ્ધાનું સારવાર દરમિયાન મોત

અંબાજી પાસે અકસ્માતમાં મૃતકોનો આંકડો 23 પર પહોંચ્યો છે.ખડોલ (હ) ગામે રહેતા રાવજીભાઈ દ્વારા અંબાજીની ટૂરનું આયોજન કરવામાં આવ્યું હતું, જેમાં આંકલાવ તાલુકા, બોરસદ તાલુકા સહિતના શ્રદ્ધાળુઓ જોડાયા હતા. બસને 30 સપ્ટેમ્બરે અંબાજીથી પરત ફરતાં ત્રિશુળીયા ઘાટ પાસે અકસ્માત સર્જાયો હતો. બોરસદ તાલુકાના દાવોલના જયાબહેન સુરસિંગભાઈ ગોહેલ (65)નું ગુરુવારે મોડી રાત્રે મૃત્યુ થયું હતું.

Download Dainik Bhaskar App to read Latest Hindi News Today

from Divya Bhaskar https://ift.tt/2Oj2UAC
via IFTTT