ફેસ્ટિવ સિઝન : આર્થિક સુસ્તી છતાં 90 ટકા કન્ઝ્યુમર ખરીદી કરવા માગે છે

દેશ-દુનિયામાં છેલ્લા થોડા મહિનાથી કન્ઝ્યુમર સેન્ટિમેન્ટ નબળુ હોવા છતાં ભારતના 90 ટકા કન્ઝ્યુમર ફેસ્ટિવ સિઝનમાં ખરીદી કરવા માગે છે. જેમાંથી ¾ ઓનલાઈન પ્લેટફોર્મમાંથી ખરીદી કરવા પ્રાથમિકતા આપે છે. આ જાણકારી રિટેલર્સ એસોસિએશન ઓફ ઈન્ડિયા અને લિટમસ વર્લ્ડના રિપોર્ટમાં આપવામાં આવી છે. તદુપરાંત ગ્રાહકોમાં ક્રેડિટ કાર્ડ વડે ચૂકવણીનુ ચલણ વધ્યુ છે. વડાપ્રધાન નરેન્દ્ર મોદી અનેક વખત કેશલેસ સોસાયટીની અપીલ કરી ચૂક્યા છે. રિપોર્ટ અનુસાર, ગ્રાહક ખરીદી દરમિયાન કેશનો ઉપયોગ કરવાથી બચવાનો પ્રયાસ કરે છે. ગતવર્ષે ફેસ્ટિવ સિઝન દરમિયાન 19 ટકા લોકો કેશથી ખરીદીને પ્રાથમિકતા આપી રહ્યા હતા. આ વખતે આંકડો 9 ટકા સુધી સીમિત રહ્યો છે. તેમજ વોલેટ અને નેટબેન્કિંગ સાથે ચૂકવણીનો ટ્રેન્ડ છે.

કપડાં અને ઈલેક્ટ્રોનિક્સ આઈટમની માગમાં વૃદ્ધિ

61 ટકા ગ્રાહક ફેસ્ટિવ સિઝનમાં 15 હજારથી વધુ ખર્ચ કરશે

આરઈઆઈના સીઈઓ કુમાર રાજાગોપાલને જણાવ્યુ છે કે, સર્વેમાં જે લોકો સાથે વાત કરવામાં આવી તેમાંથી 61 ટકા લોકોએ ફેસ્ટિવ સિઝનમાં 15 હજાર સુધીનો ખર્ચ કરવાની તૈયારી દર્શાવી છે. જ્યારે 12 ટકા લોકો રૂ. 1 લાખથી વધુની રકમની ખરીદી કરશે. આ પરથી સ્પષ્ટ થાય છે કે, રિટેલર્સ પાસે તહેવારની સિઝનમાં સારો એવો નફો રળવાની ક્ષમતા.

વિશ્વભરમાં ઈકોનોમીમાં સુધારાના સંકેત જોવા મળ્યા

છેલ્લા થોડા દિવસોથી દુનિયાના અમુક મહત્વપૂર્ણ દેશોમાંથી પોઝિટીવ સંકેતો મળ્યા છે. જે ટૂંકસમયમાં જ વૈશ્વિક ઈકોનોમી ફરી પાછી પાટે ચડી જવાના સંકેત આપી રહી છે. અમેરિકા અને ચીન બંનેએ આશાવાદ વ્યક્ત કર્યો છે કે, ટ્રેડવોર ટૂંકસમયમાં જ પૂર્ણ થશે. ટ્રેડવોરને લીધે વિશ્વને અત્યારસુધી 80 હજાર કરોડ ડોલરનુ નુકસાન થયુ છે. તદુપરાંતસ બ્રેક્ઝિટ ડીલ પણ ફાઈનલ થવાના અણસાર છે.

ઓક્ટોબરમાં ઓનલાઈન પ્લેટફોર્મ મારફત 39 હજાર કરોડની ખરીદી

રિપોર્ટ અનુસાર, કપડાં અને ઈલેક્ટ્રોનિક્સ આઈટમની માગ વધી છે. જ્વેલરી અને ફર્નિચરની માગ ઘટી છે. ઈ-કોમર્સ પ્લેટફોર્મ મારફત તહેવારની સિઝન ના શરૂઆતમાં જ જોરદાર વેચાણો નોંધાયા છે. અત્યારસુધી સિઝનના બે ચરણમાં ફેસ્ટિવલ સેલ યોજાઈ ચૂક્યા છે. આ મહિને ઓનલાઈન દ્વારા આશરે રૂ. 39 હજાર કરોડની ખરીદી થશે.

Download Dainik Bhaskar App to read Latest Hindi News Today

from Divya Bhaskar https://ift.tt/31FebOI
via IFTTT