મોરબીમાં ડેન્ગ્યુંએ ફરી દેખા દીધા, સપ્તાહમાં 4 કેસ પોઝિટિવ

મોરબી શહેર જિલ્લામાં ડેન્ગ્યુએ ફરી માથુ ઉંચક્યું છે અને છેલ્લા એક અઠવાડિયામાં 4 કેસ નોંધાયા છે. મોરબી શહેરમાં ખાસ કરીને વિશિપરા, સો ઓરડી, ભડિયાદ ઓજી વિસ્તાર વિદ્યુતનગર,રબારીવાસ વણકર વાસ કાલિકા પ્લોટ, માધાપર મહેન્ડર પરા સહિતના વિસ્તારમાં. મચ્છર જન્ય બીમારીઓનું પ્રમાણ સતત વધી રહ્યુ છે. તંત્ર દ્વારા ફોગિગ તેમજ દવા છટકાવ કરી મચ્છર ઉત્તપ્તિ અટકાવવા પગલાં લીધા હોવાના દાવા વચ્ચે અનેક લોકો મેલેરિયા બાદ હવે ડેન્ગ્યુના રોગનો શિકાર બન્યા છે.

આરોગ્ય વિભાગ દ્વારા નોંધાયેલ આંકડા મુજબ મોરબી જિલ્લામાં છેલ્લા નવ માસમાં ડેન્ગ્યુના 23 પોઝિટિવ અને 181 શંકાસ્પદ કેસ નોંધાયા છે. જો કે હમણાંથી વરસાદી વાતાવરણને કારણે ડેન્ગ્યુએ ભારે માથું ઊંચક્યું છે. ત્યારે ડેન્ગ્યુના રોગને કાબુમાં લેવા આરોગ્ય તંત્ર અસરકારક કામગીરી કરે તેવી માંગ ઉઠી છે. મોરબી જિલ્લામાં ડેન્ગ્યુના રોગોમાં ભારે ઉછાળો આવ્યો છે. જેમાં સરકારી ચોપડે ડેન્ગ્યુના નોંધાયેલા કેસની વિગત જોઈએ તો જાન્યુઆરીથી 7 ઓક્ટોબર સુધીમાં શંકાસ્પદ 181 જેટલા કેસો નોંધાયા છે. જ્યારે 23 કેસ પોઝિટિવ નોંધાયા છે. તેમજ છેલ્લા એક અઠવાડિયામાં 4 કેસ નોંધાયા છે.જોકે ખાનગી હોસ્પિટલમાં હોય તે અલગ જ છે. આ તો માત્ર સરકારી ચોપડે નોંધાયેલા કેસ છે. જ્યારે ખાનગી હોસ્પિટલમાં આનાથી પણ વધુ કેસ હોવાની સંભાવના છે. જો કે છેલ્લા કેટલાક દિવસોથી વરસાદી વાતાવરણ અને ઠેરઠેર ગંદકીના કારણે મચ્છરોનો ત્રાસ બેકાબુ બન્યો છે. તેથી, ડેન્ગ્યુનો રોગમાં ભારે ઉછાળો આવ્યો છે.

Download Dainik Bhaskar App to read Latest Hindi News Today

from Divya Bhaskar https://ift.tt/2B51diz
via IFTTT