ઉત્તર સીરિયામાં તૂર્કીના હુમલામાં 277 કૂર્દિશનાં મોત, 3 લાખ લોકોનું પલાયન

અંકારા | ઉત્તર સીરિયામાં કૂર્દિશ લડવૈયાઓના કબજાવાળા વિસ્તારોમાં તૂર્કીની સૈન્ય કાર્યવાહી ત્રીજા દિવસે પણ જારી રહી હતી. તૂર્કીના લડાકૂ વિમનો સતત કૂર્દિશ લડવૈયાઓના ઠેકાણાઓને નિશાન બનાવી બોમ્બમારો કરી રહ્યાં છે. જ્યારે કૂર્દિશ નેતૃત્વ હેઠળની સીરિયન ડેમોક્રેટિક ફોર્સ અને તૂર્કી સેના વચ્ચે સરહદે અનેક વિસ્તારોમાં ભયંકર યુદ્ધ છંછેડાયું છે. તૂર્કીના સંરક્ષણમંત્રીએ દાવો કર્યો કે આ હુમલામાં 277 લડવૈયા મૃત્યુ પામ્યા છે. જોકે તૂર્કીના એક સૈનિકનું મોત નીપજ્યું છે. જ્યારે મીડિયા અહેવાલ અનુસાર 23 લડવૈયાના મોતની પુષ્ટી થઈ છે.

કૂર્દિશ સેના અને તૂર્કી સેના વચ્ચે સરહદે યુદ્ધ જારી

અમેરિકી રાષ્ટ્રપતિ ડોનાલ્ડ ટ્રમ્પે કહ્યું - અમારી પાસે 3 વિકલ્પ, તૂર્કીને હરાવીએ, પ્રતિબંધ મૂકીએ કાં મધ્યસ્થતા કરીએ

અમેરિકી વિદેશ વિભાગે કહ્યું કે તૂર્કીએ સીરિયામાં સરહદ ઓળંગી તો તેના પર આકરા પ્રતિબંધો લાદીશું. જ્યારે રાષ્ટ્રપતિ ટ્રમ્પે કહ્યું કે અમે સીરિયામાં આઈએસને 100 ટકા હરાવ્યા પછી સૈનિકોને બોલાવ્યા છે હવે તૂર્કીએ કુર્દો પર હુમલા કર્યા છે. તૂર્ક-કૂર્દ 200 વર્ષથી લડી રહ્યાં છે. એવામાં અમારી પાસે ત્રણ વિકલ્પ છે. પહેલો અમે ત્યાં હજારો સૈનિક મોકલી તેને હરાવીએ, બીજો તૂર્કી પર પ્રતિબંધ લાદીએ અને ત્રીજો મધ્યસ્થતાથી સમાધાન કાઢીએ.

Download Dainik Bhaskar App to read Latest Hindi News Today

from Divya Bhaskar https://ift.tt/2nDBrid
via IFTTT