દિવાળી માટે વડોદરાની સ્પંદન સ્કૂલના દિવ્યાંગ બાળકો દ્વારા 20 હજાર મીણના દીવડા તૈયાર કરવામાં આવ્યા

દિવાળીમાં રોશની કરવા માટે સ્પંદન સ્કુલના દિવ્યાંગ બાળકો દ્વારા 20 હજાર મીણના દિવડા તૈયાર કરવામાં આવ્યા છે.દિવડા તૈયાર કરવા માટે દિવાળીના ચાર માસ પહેલા સંસ્થા દ્વારા પુર્વ તૈયારીઓ શરૂ કરી દેવામાં આવે છે.ટ્રસ્ટી સંગીતા શેઠે જણાવ્યું કે, દિવ્યાંગ બા‌ળકોને મીણના દિવડા,મીણબત્તી તથા ફાઇલ બનાવવાની તાલીમ આપીને સંસ્થા દ્વારા તેમને પગભર કરવા માટે સંસ્થા વર્ષભર કામ કરે છે.

સ્પંદનના વી.પી ભરત દેસાઇએ વધુમાં જણાવ્યું કે, દિવ્યાંગ વિદ્યાર્થીઓ દ્વારા ચાલુ વર્ષે દિવાળીમાં રોશની કરવા માટે 20 હજાર મીણના દિવડા તૈયાર કરવામાં આવ્યા છે.દિવાળી ટાણે દિવડા તૈયાર થાય તે માટેની પુર્વ તૈયારી જુન માસથી શરૂ કરી દેવામાં આવી હતી.ચાલુ વર્ષે 450 કિલો વેક્સ માંથી 20 દિવ્યાંગો દ્વારા 20 હજારથી વધારે દિવડા તૈયાર કરાયા છે.પતરાની ડબ્બીમાં તૈયાર કરાયેલા દિવડામાં ત્રણ ફુલોની સુગંઘ પણ ઉમેરવામાં આવી છે.હાલ સંસ્થામાં 68 દિવ્યાંક છોકરા-છોકરીઓ તાલીમ મેળવી દિવડા અને ફાઇલ બનાવવાની કામગીરીમાં જાડાયેલા છે.

નાણાં દિવ્યાંગને સ્ટાયફંડ પેટે ચૂકવાય છે

દિવ્યાંગ બાળકોને પગભર કરવા માટે સંસ્થામાં વોકેશનલ ટ્રેઇનીંગ સેન્ટરમાં તાલીમ અપાય છે.તેના વેચાણમાંથી ભેગું થયેલું ભંડોળ દિવ્યાંગોને સ્ટાયફંડ પેટે ચુકવવામાં અાવે છે.

પગભર થવા માટે તાલીમ અપાય

સ્પંદનના ટ્રસ્ટી સંગીતા શેઠે જણાવ્યું કે, બાળક સ્કુલમાં દાખલ થાય ત્યારથી તેની ક્ષમતા ચકાસીને તેને વિકસાવવા માટેની દિશામાં તેને તાલીમ અપાય છે.બાળકોને પગભર કરવા માટે સંસ્થા કામ કરે છે.

Download Dainik Bhaskar App to read Latest Hindi News Today

Div News - twenty thousand wax lamps were prepared by diwana children of vandodara39s vandan school for diwali 064104

from Divya Bhaskar https://ift.tt/316MQVE
via IFTTT