દીપડાએ 10 ફૂટ ઉંચી દીવાલ ઠેકી ઘરમાં ઘૂસી વૃધ્ધને ફાડી ખાધા

બગસરા તાલુકાના મોટા મુંજીયાસર ગામે ગઇરાત્રે ઘરની 10 ફુટની દિવાલ કુદી અંદર ખાબકેલા દિપડાએ 75 વર્ષિય વૃધ્ધ પર હુમલો કરી ગળામાથી પકડી 50 ફુટ સુધી ઢસડીને ગંભીર રીતે ઘાયલ કરી દેતા આ વૃધ્ધનુ સારવાર દરમિયાન મોત થયુ હતુ. મોટા મુંજીયાસર ગામના વાઘજીભાઇ મોહનભાઇ પટોળીયા (ઉ.વ.75) નામના વૃધ્ધ રાત્રીના સમયે પોતાના ઘરની ઓસરીમા સુતા હતા તે સમયે શિકારની શોધમા નીકળેલો દિપડો ગામમા આવી ચડયો હતો. અને તેમના ઘરની 10 ફુટ ઉંચી વંડી ટપી અંદર પડયો હતો. દિપડાએ વાઘજીભાઇનો શિકાર કરવા માટે તેમને ગળામાથી જ પકડયા હતા. અને ફળીયામા 50 ફુટ દુર સુધી ઢસડી ગયો હતો. દિપડાએ ગળામાથી પકડયા હોય આ વૃધ્ધ ઉહકારો પણ કરી શકયા ન હતા.

જો કે પરિવારના અન્ય સભ્યો જાગી જતા હાકલા પડકારા કરતા દિપડો દિવાલ કુદી નાસી ગયો હતો. પરિવારના સભ્યોએ ગંભીર રીતે ઘવાયેલા વાઘજીભાઇને સારવાર માટે તાબડતોબ પ્રથમ બગસરાના સરકારી દવાખાને ખસેડયા હતા અને ત્યાંથી વધુ સારવાર માટે અમરેલી સિવીલ હોસ્પિટલમા ખસેડયા હતા. પરંતુ અમરેલી સિવીલમા પહોંચે તે પહેલા જ તેમનુ મોત થયુ હતુ.

Download Dainik Bhaskar App to read Latest Hindi News Today

from Divya Bhaskar https://ift.tt/2MLHsmQ
via IFTTT