યુવતીનાં મંગેતરે મંગલસૂત્ર પહેરાવી, સેલ્ફી લેવડાવીને હત્યા કરી નાખી હતી

પોરબંદર SOG દ્વારા રીમાન્ડ દરમ્યાન પૂછપરછ કરવામાં આવતા નિરવે અનેક કબૂલાતો આપી હતી, જેમાં રીમા મોડી રાત સુધી સોસીયલ મિડીયામાં ઓનલાઇન રહેતી હતી અને વારંવાર ઝગડાઓ થતા હતા, જેથી રીમાની હત્યાનું કાવતરૂં અગાઉથી જ નકકી કરી રાખ્યુ હતુ અને હત્યાના આગલા દિવસે ઘટના સ્થળની મુલાકાત લીધી હતી. રીમાને ફોન કરીને બોલાવી હતી અને બહેનપણીને મળવા જાવ છું તેમ ઘરે કહેજે તેવું કહ્યું હતુ. બપોરબાદ રીમાને રીક્ષા દ્વારા ભનુની ખાંભી સુધી બોલાવી હતી અને ત્યાંથી સ્કૂટરમાં બેસાડી દરિયા કિનારે લઇ ગયો હતો અને છાંયાચોકી નજીકના પેટ્રોલપંપમાંથી એક શીશામાં પેટ્રોલ ખરીદ્યુ હતુ.

તેમજ અગાઉ નિરવે સુદામાચોક નજીક પાથરણાવાળી પાસેથી નકલી મંગલસૂત્ર ખરીદી લીધુ હતુ અને દરિયા કાંઠે જઇ રીમાને આ મંગલસૂત્ર પહેરાવી મોબાઇલમાં ફોટા લીધા હતા અને સેલ્ફી લીધી હતી, ત્યારબાદ રીમાનું ગળું દબાવી હત્યા કરીને પેટ્રોલ છાંટી સળગાવી હતી અને લાશને જેમતેમ રેતીમાં દાટી દીધી હતી. અને રીમાના મોબાઇલમાં પાડેલા મંગલસૂત્રના ફોટા રીમાના સબંધીઓને મોકલાવ્યા હતા અને એવો મેસેજ કર્યો હતો કે મારા લગ્ન 2 વર્ષ પહેલા થઇ ગયા છે. પોલીસને ગેરમાર્ગે દોરવા નિરવે આ કૃત્ય કર્યુ હતુ અને રસ્તામાં કામદાર કેન્દ્ર નજીક આવેલી ગટરમાં રીમાનો મોબાઇલ ફેંકી દીધો હતો, તેની કબૂલાત રીમાન્ડ દરમ્યાન નિરવે આપી હતી.

Download Dainik Bhaskar App to read Latest Hindi News Today

from Divya Bhaskar https://ift.tt/2N6ccz6
via IFTTT