બોટાદ માર્કેટિંગ યાર્ડે 6 હજાર ખેડૂતોને રાહતદરે હેલ્મેટ વિતરણ કર્યાં

બોટાદ માર્કેટિંગ યાર્ડ દ્વારા તાલુકાના ખેડૂતોને રાહત દરે હેલ્મેટ વિતરણ કરવામાં આવ્યું હતું. જેમાં બોટાદ કલેક્ટર, એસપી, યાર્ડના ચેરમને, વાઈસ ચેરમન સહિત યાર્ડના સભ્યો મોટી સંખ્યામા ઉપસ્થિત રહી તાલુકાના 6000 ખેડૂતોને રાહતદરે હેલ્મેટ વિતરણ કરવામાં આવ્યું હતું.

ટ્રાફિકના નવા નિયમો લાગુ થઈ ગયા છે અને વાહન ચાલકોને હેલ્મેટ સહિતના તમામ કાગળો સાથે રાખવા ફરજીયાત છે. ત્યારે ખાસ કરીને હેલ્મેટ વિના જે વાહન ચાલકો વાહન ચલાવે છે. ત્યારે અકસ્માત સર્જાય અને વાહન ચાલકનુ મોત પણ થાય છે. ત્યારે લોકોની સલામતીને ધ્યાને રાખી હેલ્મેટ ફરજિયાત કરવામાં આવ્યા છે. બજારોમાં હાલ હેલ્મેટ 500 રૂપિયાથી લઈ 1000 સુધીના મળે છે. બોટાદ માર્કેટિંગ યાર્ડ દ્વારા ખેડૂતોના હિતમાં નિર્ણય લઈ રાહતદરે હેલ્મેટ વિતરણ કરવામાં આવ્યું હતું. જેમાં બોટાદ કલેક્ટર વિશાલ ગુપ્તા, બોટાદ એસ.પી હર્ષદ મહેતા, યાર્ડના ચેરમને ડી.એમ.પટેલ, વાઈસ ચેરમને જોરૂભાઈ ધાધલ સહિત યાર્ડના સભ્યો હાજર રહ્યા હતા. બોટાદ તાલુકાના જે ખેડૂત ખાતેદારો હોઈ તે પોતાના સાત બાર અને આઠ અના કાગળો લઈ આવી હેલ્મેટ ખરીદી શકે છે. તેમજ માર્કેટિંગ યાર્ડ દ્વારા 406 રૂપિયાના ભાવે આઈ.એસ.માર્કાવાળા હેલ્મેટની ખરીદી કરવામાં આવી હતી. તે હેલ્મેટ ખેડૂતને 300 રૂપિયાના રાહતના ભાવે આપવામાં આવ્યા હતા. માર્કેટિંગ યાર્ડ દ્વારા કુલ 6000 હેલ્મેટનું વિતરણ કરવામાં આવ્યું છે.

હેલ્મેટ લેવા ખેડૂતો મોટી સંખ્યામાં ઉમટ્યા હતા. તસવીર કેતનસિંહ પરમાર

Download Dainik Bhaskar App to read Latest Hindi News Today

Barvala News - botad marketing yard distributes helmets at discount to 6000 farmers 060155

from Divya Bhaskar https://ift.tt/2PUndW8
via IFTTT