દમણ-દીવના ભાજપના અધ્યક્ષ ગોપાલ ટંડેલનો વીડિયો ફરતો થયો

સંઘપ્રદેશ દમણ-દીવ ભાજપ અધ્યક્ષ ગોપાલ ટંડેલ (66)નો એક આપત્તિજનક વીડિયો ગુરુવારે સોશિયલ મીડિયામાં ફરતો થયો હતો, જેમાં તેઓ એક મહિલા સાથે દેખાઈ રહ્યા છે તથા બેકગ્રાઉન્ડમાં કોઈ બ્લૂ-ફિલ્મ ચાલતી હોય તેવો અવાજ પણ સંભળાઈ રહ્યો છે. જો કે, આ મામલે ગોપાલ ટંડેલે અત્યાર સુધીમાં કોઈની સામે ફરિયાદ દાખલ કરાવી નથી, પરંતુ વીડિયો ફરતો થતા પ્રદેશ ભાજપ સહિત પક્ષમાં ખળભળાટ મચી ગયો છે. આ વીડિયો લગભગ 2 વર્ષ જૂનો હોવાનું જાણવા મળી રહ્યું છે, જેમાં દેખાતી મહિલા સુરતની હોવાની માહિતી મળી છે. લોકચર્ચા અનુસાર, સુરતના કોંગ્રેસી નેતા દિનેશ કાછડિયાને જે ગેંગે વીડિયો ઉતારીને હનીટ્રેપમાં ફસાવ્યા હતા એ જ ગેંગ આ પ્રકરણમાં પણ સામેલ છે. આટલું જ નહીં પરંતુ બ્લેકમેલરોએ ગોપાલ ટંડેલ પાસે પૈસા પણ માંગ્યા હતા. જ્યારે સુરતમાં દિનેશ કાછડિયાની ફરિયાદ બાદ આરોપી પકડાયા ત્યારે ગોપાલ ટંડેલોનો વીડિયો પણ એ જ સમયે કેટલાક ગ્રુપોમાં વાયરલ થયો હતો. આ મામલે ગોપાલ સાથે વાત કરતાં તેમણે જણાવ્યું હતું કે, તેઓ પોતે તપાસ કરી રહ્યા છે. જો કે, તેમણે એવું બતાવ્યું ન હતું કે કોઈની સામે ફરિયાદ કરાશે કે નહીં.

Download Dainik Bhaskar App to read Latest Hindi News Today

from Divya Bhaskar https://ift.tt/2PxNXLP
via IFTTT