પાલિતાણા-શિહોરની બસ અનિયમિત રહેતા હાલાકી

તળાજા એસ.ટી ડેપો સંચાલીત ઘણાં રૂટો અનિયમિત ચાલતા હોવાથી નિયમિત અને સમય ની પાબંધી વાળા પેસેન્જરો અને ખાસ કરીને અપ-ડાઉન કરતા વિદ્યાર્થીઓ ને ભારે મુશ્કેલી સર્જાય છે. જે માટે એસ.ટી વિભાગીય તંત્ર યોગ્ય કરે તે જરૂરી છે. ખાસ કરીને તળાજા-પાલીતાણા વચ્ચેની બસ સર્વિસ ઓછી હોવાથી એકાદ બે બસ અનિયમિત થાય તો મુસાફરો અને કાયમી પાસ ધારકો રઝળી પડે તેવો બનાવો બને છે.

પાલીતાણા થી તળાજા તરફ આવતી સવારે 6 કલાકે ઉપડતી બસ અવાર નવાર અનિયમિત ઉપાડાય છે અને કયારેક વચ્ચેથી પાછી વળે છે. તેજ રીતે તળાજા થી સાંજ ની 5-30 ની પાલીતાણા બસ અનિયમિત અને ઘણી વખત કયારે ઉપડશે તેનો સંતોષ કારક જવાબ નથી મળતો. ઉપરાંત તળાજા થી શિહોર તરફ જતી આવતી બસ નાં કેટલાક રૂટ અવાર નવાર કેન્સલ કરવામાં આવે છે. જેમાં વાયા અગીયાળી વાળો રૂટ ઘણો સમય બંધ રખાયો હતો. બરવાળા ડેપોની વાયા શિહોર-મહુવાની બસ પણ અવાર નવાસ સમયસર નહી મળતા આ બસમાં મુસાફરી કરતા પાસ ધારકો, વિદ્યાર્થીઓ હેરાન પરેશાન થાય છે.

Download Dainik Bhaskar App to read Latest Hindi News Today

from Divya Bhaskar https://ift.tt/2MmHH7v
via IFTTT