લીલાપુરમાં નાના ભાઈને સગા ભાઈ-ભાભીએ મોતને ઘાટ ઉતારી દીધો

જસદણના લીલાપુર ગામે રહી ખેત મજૂરીકામ કરતા મધ્યપ્રદેશના આદિવાસી પરિવારમાં સામાન્ય બાબતે બોલાચાલી થતાં સગાભાઈને તિક્ષ્ણ હથિયાર વડે મોટાભાઈ અને ભાભીએ મોતને ઘાટ ઉતારી દેતા લીલાપુર ગામમાં અરેરાટી વ્યાપી ગઈ હતી. આ બનાવની જાણ થતા જસદણ પોલીસ કાફલો ઘટના સ્થળે દોડી ગયો હતો અને હત્યા નીપજાવનાર દંપતીને સકંજામાં લઈ કાર્યવાહી હાથ ધરી હતી.

જસદણ તાલુકાના લીલાપુર ગામની સીમમાં આવેલ પ્રવિણભાઈ કલ્યાણભાઈ રામાણીની વાડીમાં મજૂરીકામ કરતા મૂળ મધ્યપ્રદેશના અલીરાજપુર ગામના નોટી ઉર્ફે નોટીયો બહાદુર ટાવર અને તેની પત્ની ભાનુબેનને તેના સગા નાનાભાઈ દિનેશભાઈ સાથે રવિવારે કામ બાબતે બોલાચાલી થઈ હતી. બાદમાં વાતાવરણ વધુ ઉગ્ર બનતા બન્ને પતિ-પત્ની ઉશ્કેરાઈ જતા તિક્ષ્ણ હથિયાર વડે દિનેશના ગળામાં અને માથામાં હુમલો કરી મોતને ઘાટ ઉતારી દીધો હતો. આ બનાવ અંગે જસદણ પોલીસે વાડીના માલીક પ્રવિણભાઈ રામાણીની ફરીયાદના આધારે દિનેશની હત્યા કરનાર તેના સગા મોટાભાઈ નોટી ઉર્ફે નોટીયો બહાદુર ટાવોર અને તેના પત્ની ભાનુબેન સામે હત્યાનો ગુન્હો દાખલ કરી બન્નેની ધરપકડ કરી હતી.

Download Dainik Bhaskar App to read Latest Hindi News Today

from Divya Bhaskar https://ift.tt/2B8Dcar
via IFTTT