સાડી એક્સચેન્જ કરવાના બહાને રૂ. 9344ની ઠગાઈ

ઓનલાઈન વેબસાઈટ પરથી ખરીદેલી સાડી ઓર્ડર પ્રમાણેની નહીં હોવાથી રિપ્લેસ કરવા માટે મહિલા તબીબે કંપનીની વેબસાઈટ ઉપર ફરિયાદ કરી હતી. જેના આધારે તેમના મોબાઈલ ઉપર એક લિંક મોકલવામાં આવી હતી. મહિલા તબીબે તે લિંક ઓપન કરીને પ્રોસીજર ફોલોઅપ કરી હતી. જેમાં તેમની સાડી તો રિપ્લેસ ના થઇ પણ, પરંતુ ગઠિયાએ 2 બેંક એકાઉન્ટ નંબર અને ઓટીપી મેળવી લઇ રૂ.999 ની સાડીની સામે તેમના ખાતામાંથી રૂ.9344 ઉપાડી લીધા હતા. સેટેલાઈટ આનંદનગર મધુપુરી રો હાઉસમાં રહેતાં ડોક્ટર પ્રીતિબહેન જયેશભાઇ ભટ્ટ(52) ગોતા ચોકડી ખાતે આવેલ રૂરલ ડેવલોપર એન્ડ મેનેજમેન્ટ ઈન્સ્ટિટ્યૂટમાં મનો વૈજ્ઞાનિક કાઉન્સિલર તરીકે નોકરી કરે છે.

થોડા દિવસ પહેલા પ્રીતિબહેને તેમની ઓફિસના કમ્પ્યૂટર પરથી ગ્રેટ ઈન્ડિયા સાડી નામની સાડીની વેબસાઈટ ઉપર રૂ.999 માં એક સાડીનો ઓર્ડર આપ્યો હતો. 5 દિવસ પછી તેમની ઓફિસે સાડીનું પાર્સલ આવ્યું હતું. જેના તેમણે રૂ.1050 ચૂકવ્યા હતા. પ્રીતિબહેને પાર્સલ ખોલીને જોયું તો તેમણે ઓર્ડર આપ્યો હતો તે પ્રમાણે સાડી ન હતી. તેમણે સાડી રિપ્લેસ કરવા માટે કંપનીની વેબસાઈટ ઉપર ફરિયાદ કરી હતી.

એક ક્લિક કરી ને 3 વાર પૈસા કટ થયા

પ્રીતિબહેનને ફોન કરનારે પોતાની ઓળખ રાહુલ તરીકે આપી હતી.અને પ્રીતિ બહેનના મોબાઇલ પર રાહુલે એક લીંક મોકલી હતી જેના પર ક્લિક કર્યા બાદ પ્રિતિબહેને વારા ફરથી બે બેંક એકાઉન્ટ નંબર અને 3 ઓટીપી આપી દીધા હતા. જેના આધારે તેમના બંને એકાઉન્ટમાંથી 3 ટ્રાન્જેકશનથી રૂ9344 ઉપડી ગયા હતા. ત્યારબાદ પણ તેમની સાડી રિપ્લેસ થઇ શકી નહતી.

Download Dainik Bhaskar App to read Latest Hindi News Today

from Divya Bhaskar https://ift.tt/2n53iYt
via IFTTT