વીડિયો ફરતો થયા બાદ દમણ દીવના ભાજપ પ્રમુખનું રાજીનામું

સંઘપ્રદેશ દમણ દીવ પ્રદેશ ભાજપ પ્રમુખનો ગુરૂવારે એક મહિલા સાથે આપત્તિજનક સ્થિતિમાં વીડિયો જાહેર થતાં જ સમગ્ર પ્રદેશમાં રાજકારણ ગરમાયું હતું. વીડિયો જાહેર થયા બાદ શનિવારે પ્રદેશ ભાજપ પ્રમુખે પ્રદેશના મંત્રીને પોતાનું રાજીનામું આપી દીધું હોવાનું સાંભળવા મળી રહ્યું છે.

દમણમાં હોટલ અને ડિસ્ટ્રિલરીના વ્યવસાય સાથે સંકળાયેલા અને હાલમાં દમણ દીવ પ્રદેશ ભાજપ પ્રમુખનો હોદ્દો ધરાવતા 66 વર્ષીય ગોપાલ ટંડેલનો ગુરૂવારે સોશિયલ મીડિયામાં એક યુવતી સાથે આપત્તિજનક અવસ્થામાં વીડિયો જાહેર થયો હતો. વીડિયોમાં ગોપાલ ટંડેલ ઉર્ફે દાદા એક મહિલા સાથે નજરે પડે છે. આ ઉપરાંત વીડિયોના બેક ગ્રાઉન્ડમાં કોઇ બ્લૂ ફિલ્મ ચાલતી હોવાનો અવાજ સંભળાય રહ્યો છે. વીડિયો જાહેર થવાની ઘટના બાદ ગોપાળ ટંડેલે પ્રદેશના અધ્યક્ષ સ્થાનેથી સ્વેચ્છાએ રાજીનામું આપ્યું છે. તેમણે આ રાજીનામું ભાજપના પ્રદેશ મંત્રી પ્રભારી વિવેક ધાડકરને સોંપ્યું હોવાનું જાણવા મળે છે.

Download Dainik Bhaskar App to read Latest Hindi News Today

from Divya Bhaskar https://ift.tt/326iH9r
via IFTTT