ભારત 2022ના ફૂટબોલ વર્લ્ડ કપની રેસમાંથી બહાર, ઓમાન સામે ક્વોલિફાયરમાં 0-1થી હાર્યું

સ્પોર્ટ્સ ડેસ્ક: ભારતીય ટીમ 2022 ફિફા ફૂટબોલ વર્લ્ડ કપમાં ક્વોલિફાય કરવાની રેસમાંથી બહાર થઇ ગઈ છે. મંગળવારે ઓમાન સામેની ક્વોલિફાયર મેચમાં ભારતે 0-1થી મેચ ગુમાવી હતી. ઓમાન માટે મોહસિન ઉલ ઘાસાનીએ 33મી મિનિટમાં ગોલ કર્યો હતો. બીજી વાર ઓમાને ભારતને ક્વોલિફાયરમાં હરાવ્યું છે. અગાઉ ગુવાહાટીમાં પણ ભારતે 1-2થી હારનો સામનો કર્યો હતો.

ક્વોલિફાયરની પાંચ મેચોમાંથી ભારત એકપણ મેચ જીત્યું ન હતું. 3 મેચ ડ્રો થઇ અને 2 મેચમાં હારનો સામનો કરવો પડ્યો. ભારતના પાંચ મેચમાં માત્ર 3 પોઇન્ટ છે. તે ગ્રુપ Eમાં ચોથા સ્થાને છે. એશિયન ચેમ્પિયન કતાર 5 મેચમાં 13 પોઇન્ટ સાથે પ્રથમ સ્થાને છે, જયારે ઓમાન 12 પોઇન્ટ સાથે બીજા સ્થાને છે. ભારત ઓમાનથી 9 અંક પાછળ છે. તેને હજી 3 મેચ રમવાની છે. ભારત ત્રણેય મેચ જીતે તો પણ ઓમાનની બરોબરી જ કરશે. તેવામાં તે ત્રીજા રાઉન્ડમાં પહોંચે તેવી સંભાવના નહિવત છે. 2023ના એશિયન કપ ક્વોલિફાયરમાં ભારતની આશા હજી પણ જીવંત છે.

Download Dainik Bhaskar App to read Latest Hindi News Today

ભારત-ઓમાન ક્વોલિફાયર મેચ.

from Divya Bhaskar https://ift.tt/37mNaUs
via IFTTT