કેવડિયા ખાતે 31મીએ રાષ્ટ્રીય એકતા દિવસની ઉજવણી કરાશે

વડાપ્રધાન નરેન્દ્ર મોદીનો ડ્રીમ પ્રોજેક્ટ સ્ટેચ્યુ ઓફ યુનિટીના લોકાર્પણને એક વર્ષ પૂર્ણ થવા જઈ રહ્યું છે. 31 ઓક્ટોબરે પીએમ નરેન્દ્ર મોદીની ઉપસ્થિતિમાં રાષ્ટ્રીય એકતા દિવસનો ભવ્ય કાર્યક્રમ કેવડિયા ખાતે યોજવાનો છે. સ્ટેચ્યુની આસપાસ બની રહેલાં વિવિધ પ્રોજેક્ટને પણ આ દિવસે ખુલ્લા મૂકવામાં આવશે. વડાપ્રધાનના આગમનને લઈ સુરક્ષા વ્યવસ્થામાં કોઈ કચાસ નહીં રહે તે માટે 200 પોલીસ અધિકારીઓ અને 600 સુરક્ષા જવાનો સમગ્ર કેવડિયા વિસ્તારમાં તહેનાત કરી દેવાશે.

વડાપ્રધાન નરેન્દ્ર મોદી કેવડિયાની મુલાકાતે આવવા સાથે અનેક કાર્યક્રમોમાં હાજરી આપવાનાં છે. એક દિવસીય પ્રવાસને લઈને કેવડિયા ખાતે એસપીજી કમાન્ડો સહિતની સુરક્ષા વ્યવસ્થા ઊભી કરવામાં તંત્ર કામે લાગ્યું છે.

કેવડિયા ખાતે રાષ્ટ્રીય કક્ષાના એકતા દિનની ઉજવણીમાં આર્મી, નેવી અને એરફોર્સ સહિત NSG, RPF, SRP બટાલિયન અને NDRFની ટીમોના ઉચ્ચ અધિકારીઓ સહિત સુરક્ષા દળો દ્વારા થનારી એકતા પરેડનું નિરીક્ષણ પીએમ મોદી કરશે. સાથે વિવિધ રાજ્યોના મુખ્યમંત્રીઓ અને VVIP હાજર રહેશે. તમામની સુરક્ષાને લઈને 200થી વધુ પોઈન્ટ પર 6000 થી વધુ સુરક્ષા કર્મીઓ તહેનાત કરાયા છે. અભેદ સુરક્ષાના મોનીટરીંગ માટે 2000 જેટલા પોલીસ અધિકારીઓ હાજર રહેશે. જેમાં 20થી વધુ વિવિધ રાજ્યોના રેન્જ આઈજી, 50 જેટલા એસ.પી, 200 જેટલા ડીવાયએસપી અને 500 જેટલા પીઆઈ સહિત વિવિધ ફોર્સના ઉચ્ચ અધિકારીઓ ખડેપગે રહેશે.વર્લ્ડ બેન્કના પ્રેસિડેન્ટ મિ. ડેવિડ માલપાસ સાંજે વડોદરાથી કેવડીયા કોલોની ખાતે આવી પહોંચશે. ત્યારબાદ તેઓ સ્ટેચ્યુ ઓફ યુનિટીની મુલાકાત લેશે.

Download Dainik Bhaskar App to read Latest Hindi News Today

from Divya Bhaskar https://ift.tt/2MSAxbs
via IFTTT